Vinnesholmen friluftsområde
Stad: Ved Bjørnefjorden ytst på Fusa-halvøya. Langs fylkesvegen er det midtveges mellom ferjekaien på Venjaneset og Strandvik. Området er merka med symbol for badeplass og kulturminne i kartdelen.
Areal: omlag 45 dekar
Vinnesholmen har ei lun badefjøre mot Vinnessundet. Fine svaberg for fiske mot fjorden. Flott kulturlandskap for småturar på land med eiga kulturløype som ein også kan følgja på fastlandet. Tidlegare husmannsplass på holmen vert leigd ut til feriegjester på vekebasis av Stiftinga Vinnesholmen. Fusa kommune er grunneigar. Vinnesholmen er knytt til fastlandet med ein køyrbar molo. Parkering for friluftsområdet på landsida. Eige toalett for friluftsområdet i bakenden av det røde naustet. I friluftsområdet ligg det ei turboks, ei av 16 geocacher som BOF har lagt ut i våre medlemskommuner.
Ankringsplassar for båtar i Vinnessundet og gjesteplassar ved lokale flytebrygger. Sjå Vinnes båtlag sine nettsider for meir informasjon om hamneforhold, sjøsettingsrampe og gjesteplassar. Kommunal kai på fastlandssida av sundet.
© Bergen og Omland Friluftsråd, Hellebakken 45, 5039 Bergen, telefon 55 39 29 50. Sist oppdatert
06.01.2011
|