Raudlio friluftsområde
Stad: Turveg med start frå parkering ved Hatlelio, på vegen mot Gåssand, 500 m sørvest for Raudlivatna.
Areal: 1 dekar.
Turveg og turstig ved Raudlivatna og Gåssand med utgangspunkt frå parkeringsplass ved Hatlelio. Følgj vegen som går opp mot venstre frå parkeringsplassen. Etter eit par hundre meter tek du på nytt til venstre og inn på ei skogsbilveg med bom. Turvegen går 3 kilometer inn til Raudliostova og Raudlibøen. Raudlistova kan leigast til dagsbesøk ved å ta kontakt med kundetorget i Os kommune.
Det går god turstig frå Raudlistova via Bergen Jeger og fiskeforening si hytte ved Raudlitjørna og vidare mellom Raudlivatna og attende langs turvegen til parkeringsplassen i Hatlelio.
Parkeringsplassen i Hatlelio er også ei eigna plass å sette frå seg bilen om du vil sette ut kano og padle i Raudlivatnet. Det er fine leirplassar i nordenden av Ytre Raudlivatnet.
Informasjonstavle ved parkeringsplassen. Det er gjeve ut brosjyre med fyldig informasjon om området og kart som syner turvegen og stigar. Kontakt Friluftsrådet om du ynskjer eit eksemplar tilsendt.
Sjå biletserie frå opninga av friluftsområdet, turvegen og turstigen.
© Bergen og Omland Friluftsråd, Hellebakken 45, 5039 Bergen, telefon 55 39 29 50. Sist oppdatert
29.07.2010
|