Verneområder i Hordaland

Verneområda i Hordaland

Fylkesmannen i Hordaland forvaltar områda som er verna med heimel i naturvernlova. Det er 153 verneområde i Hordaland og dette utgjer om lag 15 % av landarealet i fylket. Hardangervidda nasjonalpark, Skraupsjøen/Hardangerjøkulen landskapsvernområde og Stølsheimen landskapsvernområde er dei store verneområda som er knytte til høgfjell. Langs kysten er det mange naturreservat som speglar mangfaldet i naturrikdomen i Hordaland.

Innanfor Bergen og Omland Friluftsråd sitt område er det mange fine verneområde som folk kan vitje for å nyte naturen eller for å observere plante- og dyrelivet. Fylkesmannen meiner ein positiv og rett bruk av verneområda vil gje auka forståing og respekt for naturen. Likevel vil ein minne om at det innanfor dei mange sjøfuglreservata, våtmarksområda og andre område for fugl er særlege reglar dei som gjestar området bør kjenne til.

Last gjerne ned brosjyren "Reiseliv og hensyn til dyrelivet" gitt ut av Direktoratet for naturforvaltning, den har nyttig informasjon om hvordan aktivitetene våre i naturområder påvirker ville dyr, og hvordan vi skal oppføre oss for ikke å forstyrre.

Nr	Navn	Kommune	Type	Skildring verneområdet
1	Fedjemyrane	Fedje	Våtmark	Hekkeområde for fleire sjeldne fugleartar. Kulturhistorie knytt til bruken av området. Infotavle
2	Natås	Lindås	Myr	Atlantisk høgmyr
3	Vollom	Lindås	Edellauvskog	Nordlegaste naturlege bøkesskog i verda. Spanande vegetasjon. Infotavle
4	Fossevatna	Lindås	Våtmark	Viktig trekk- og hekkeområde. Mosaikk av mange natutypar. Forbod mot camping/telting. Hund i band
5	Herdla	Askøy		Rikaste fugleområdet i Hordaland. Særleg viktig stopp/rast for fugl på hausttrekket. Grunt sjøområde og strender. Vakkert jordbrukslandkap (Herdla er største garden i Hordaland). Merka gangsti og opparbeidd turveg. Området Prestvika — Urdneset har ferdselsforbod i tida 15. april — 30. september. Fugleobservasjonhus. Infotavle.
6	Tjeldstø	Øygarden	Våtmark	Våtmark og lyngheiområde,trekk og hekkelokalitet, samt vinteropphaldsområde for våtmarksfugl. Merka sti. Fugleobservasjonshus. Forbod mot camping/telting. Hund i band. Infotavle
7	Fjøsanger	Bergen	Geologi	Unike jordlag/sedimenter frå istider, fint kulturlandskap med parkpreg, Langeskogen med stier
8	Rambjøra	Bergen	Edellauvskog	Mange særeigne natutypar innan eit avgrensa område, mange ulike plante og dyreartar. Viktig turområde i et område med sterk utbygging nær sentrum av Bergen. Stier. Informasjonstavle.
9	Nesvika	Bergen	Våtmark	Viktig trekk- og hekkelokalitet for ender. Forbod mot camping/telting. Hund i band. Infotavle.
10	Kalandsvika	Bergen	Våtmark	Viktig trekk- og hekkelokalitet for ender og våtmarksfugl. Forbod mot camping/telting. Hund i band. Fugleobservasjonshus. Infotavle
11	Hisdalen	Bergen	Barskog	Typisk fattig kystfuruskog. Lite påverka av skogbruk. Mange gamle tre. Sjeldne spetteartar.
12	Reppadalen	Bergen	Myr	Store og velutvikla myrtyper
13	Kråmyrane	Bergen	Myr	Stort og variert myrområde
14	Raudlivatn	Os	Barskog	Administrativt freda av Direktoratet for Statens Skoger som eig området
15	Floget	Os	Edellauvskog	Variert edellauvskog, fattig eikeskog. Infotavle
16	Klyvelia	Os	Barlind/kristtorn	Velutvikla barlindforekomst. Mange ulike treslag. Lett tilgjengeleg
17	Villelia	Os	Edellauvskog	Frodig edellauvskog med artsrik vegetasjon. Infotavle
18	Langevatnet	Austevoll	Myr	Typisk kystprega fattigmyr
19	Kvernavatn	Austevoll	Barskog	Barskogområde med stor variasjon, mykje einer gjer det vanskeleg å ta seg fram.
20	Steinevik	Austevoll	Myr	Større, typisk ytre kystlandskap med vairert myr- og heivegetasjon, få inngrep
21	Rimbareidtjørna	Fitjar	Våtmark	Produktivt trekk- og hekkeområde for våtmarksfugl. Forbod mot camping/telting. Hund i band. Infotavle
22	Vetsbøstadtjørna	Fitjar	Våtmark	Produktivt trekk- og hekkeområde for ender. Fugleobservasjonshus. Forbod mot camping/telting. Hund i band. Infotavle
23	Storsøy	Stord	Barskog	Kalkfuruskog, særs rik og spesiell flora
24	Brandvik	Stord	Barlind/kristtorn	Største kjende samanhengande barlindbestanden i landet. Også mykje kristtorn over heile området
25	Sjoalemyra	Stord	Myr	Stor variasjon i myrtypar, sjeldne plantar
26	Iglatjødno	Stord	Myr	Rikmyr i attgroinsfase, sjeldne plantar
27	Hystad	Stord	Edellauvskog	Særs velutvikla svartor-sumpskog. Fint turområde. Kulturminner. Turstier. Infotavle
28	Sagvatnet	Bømlo	Barskog	Stort furuskogsområde langt mot vest. Kupert terreng med store variasjonar i floraen.
29	Skogafjellet	Bømlo	Barskog	Ulike typar furuskog frå fattig skog til rik kalkfuruskog med bergflette og kristorn
30	Lokna	Sveio	Våtmark	Viktig trekk- og hekkeområde for ender og vadefugl. Vinteropphaldstad for songsvane. Forbod mot camping/telting. Hund i band. Infotavle
31	Færås	Sveio	Våtmark	Rikt våtmarkskompleks. Hekkeområde for mange artar av sangarar. Forbod mot camping/telting. Hund i band. Infotavle
32	Skiftestad	Sveio	Våtmark	Viktig hekkeområde for grasender. Forbod mot camping/telting. Hund i band. Infotavle
33	Bjellandsvatn	Sveio	Våtmark	Produktivt våtmarksområde. Viktig trekk- og hekkeområde for endre og vadefugl. Forbod mot camping/telting. Hund i band. Infotavle
34	Mannavatn	Sveio	Våtmark	Viktig trekk og hekkeområde for dykkender. Forbod mot camping/telting. Hund i band. Forbod mot båt/ferdsle på vatnet i tida 15. april — 30. juni. Infotavle
35	Viksefjord	Sveio	Våtmark	Produktivt gruntvassområde på kysten. Trekklokalitet for ender, gjess og vadefugl. Sjelden strandvegetasjon. Forbod mot camping/telting. Hund i band. Infotavle
36	Hopsfjellet	Sveio	Barskog	Furuskogområdet som ble herjet av skogbrann i 1992. Forskning på økologiske effekter av skogbrann
37	Otterstadstølen	Modalen	Barskog	Vestlegaste naturlege granskogen i landet. Gran blanda med furu i fin naturskog. Fin stølsvoll.
38	Hestabotn	Modalen	Barlind/kristtorn	Tett betsand av barling. Fleire store eksemplar. Området erlite tilgjengeleg og lite påverka av menneske.
39	Flotaneset	Modalen	Barlind/kristtorn	Barlinda veks her saman med furu og eik. Ei uvanleg stor barlind hadde eit stammeomfang ved rota på 4 m. Høgda var 8 m og dette er det største eksemplaret av ho-barlind ein kjenner til i Norden. Lokaliteten ligg, saman med Hestabotn, særs høgt over havet, langt inne i landet og langt frå andre kjende førekomstar. Flotaneset og Hetsbotn har vitskapeleg interesse som referanseområde.
40	Herlandsnesjane	Osterøy	Myr	Unikt myrlandskap med stor variasjon, internasjonal interesse som referanseområde
41	Vinnesleiro	Fusa	Våtmark	Produktivt gruntvassområde, havstrandvegetasjon, hekkelokalitet for måse og terne, viktig område for vadefugl på trekk. Forbod mot camping/telting. Ferdselsrestriksjonar på sjø og holmar tilsvarande sjøfuglreservata. Hund i band. Infotavle
42	Yddal	Fusa,Kvam	Barskog	Stort barskogområde med lite preg av hogst og inngrep. Artsrik flora og fauna frå lågland til fjell.
43	Mundheim	Kvam	Edellauvskog	Variert og artsrik edellauvskog
44	Geitaknottane	Kvam,Kvinnh	Salamander	Stort urørd område frå fjord til fjell. Rikaste kjende førekomsten av stor salamander. Sjeldne plantar. Geitaknottane NR og Yddal NR grensar til kvarandre og saman utgjer dei eit særs stort og variert verneområde med både typiske og sjeldne artar av plantar og dyr på Vestlandet.
45	Varaldsøy	Kvinnherad	Edellauvskog	Rik flora med sjeldne og varmekjære planter. Fin Alm og-oreskog.
46	Gjuvslandslia	Kvinnherad	Barlind/kristtorn	Mange vereverdiar knytt til dette området. Særleg er ein teig med barlind-hagemark ved Liaskjeret halden i hevd på ein måte som er eineståande. Store delar er kulturmark. Ta omsyn til dette.
47	Tveitane	Kvinnherad	Edellauskog	Variert edellauskog typisk for ytre Hardanger.
48	Eggja	Kvinnherad	Myr	Rikt og variert myrområde. Sjeldne plantar.
49	Ølveshovda	Kvinnherad	Barlind/kristtorn	Kraftige bestandar av både barlind og kristtorn som veks i lag med fleire vegetasjonstypar. Stort innslag av både lyng og kalkfuruskog. Området er noko beitepåvirka og hasselskogen har tidlegare vore nytta til tønnebandproduksjon
50	Tveitabotn	Kvinnherad	Barlind/kristtorn	Lokaliteten ligg høgt over havet og inneheld ein av dei større samlingane av barlind i Hordaland. Her er store eldre tre som veks saman med gamal furu og lauvskog.
51	Holmedalsberget	Kvinnherad	Edellauvskog	Stor li med mange varmekjære tre slag og plantar. Lite tilgjenegeleg
52	Sæbøskåra	Kvinnherad	Barlind/kristtorn	Gode barlindførekomster. Stor bestand av kristtorn med uvanleg storvaksne tre. Mange varmekjære treslag. Kulutrpåverka med gamle styva tre. Natursti
53	Børevika	Tysnes	Barlind/kristtorn	Barlinda dannar skogsbestandar saman med gråor.
54	Ånuglo	Tysnes	Barlind/kristtorn	Ånuglo har ein eineståande flora og vegetasjonen i den bratte søraustvendte lia mellom Skipavågen og Vedavågen er uvanleg frodig med edellauvskog og kalkfuruskog. Staden er særleg kjent for store eføy (bergflette). Andre vanlege treslag og plantar på Ånuglo kristtorn, einer, barlind, villapal, fagerrogn, alm, lind, ask, hegg, svartor, sommar- og vintereik, rognasal, hassel, krossved, bjørnebær, ramslauk, vårmarihand, kusymre, skogfiol m. fl.
55	Romsa	Ølen	Barlind/kristtorn	Kristorn veks over heile øya, dels oppblanda med furuskog og lauvtre, men på to stadar dannar kristtorn nesten reine bestandar, og er av dei største og mest vitale i landet. Trehøgda varierer frå 4-5 meter til over 10 meter i dei sentrale delane. Lokaliteten har stor verdi både for oppleving, pedagogisk og vitskapelig bruk og kan i tillegg vere nyttig som frøreservoar.
56	Sævareidberget	Etne	Edellauvskog	Kulturpåverka edellauvskog med gamle, styva tre. Infotavle.

Verneområda vert forvalta av Fylkesmannen si miljøvernavdeling.
Her er ikkje sjøfuglreservata (70 i Hordaland) tekne med. Sjøfuglreservata er markert med symbol på områdekartet. Meir informasjon om alle verneområda i Hordaland finn du på nettsidene Miljøstatus i Hordaland.

I sjøfuglreservata (og ei sone på 50 meter frå land) er det ferdsleforbod i tida 15. april – 31. juli. I nokre av våtmarksreservata er det tilrettelagt for folk som vil sjå på fuglelivet – med stig og fugleobservasjonshus. På Herdla, som er eit særs viktig område, spesielt under vår og hausttrekket, er det av omsyn til fuglelivet ferdsleforbod i området Prestvika – Urdneset i tida 15. april – 30 september. På Herdla er det stig og fugleobservasjonshus.

Det er generelt forbod mot camping/telting i alle naturreservata, og i alle verna våtmarksområde skal hund haldast i band. Jakt er generelt forbode i naturreservata der fuglelivet er verna. I sjøfuglreservata er jakt forbode fram til 10. september. Når det gjeld enkel omtale av kvart verneområde du finn på kartet viser vi til tabellen på denne siden.

Fylkesmannen si miljøvernavdeling kan gje informasjon om forvalting av verneområda, om vilt- og fiskeforvaltning og elles om spørsmål knytte til natur og miljøvern i fylket. Mellom anna kan ein hjå fylkesmannen få eit temahefte om miljøstatus i Hordaland, faldarar om ulike verneområde i fylket og nyttig informasjon elles. Dette kan tingast hjå:

Fylkesmannen i Hordaland, postboks 7310, 5020 Bergen.
Besøksadresse: Statens Hus, Kaigt. 9, Bergen.
Telefon 55 57 22 00, telefaks 55 57 22 01.
E-post: postmottak@fm-ho.stat.no.
Nettsider: http://www.fylkesmannen.no/Hordaland/