Bergen og Omland Friluftsråd

Vinnesholmen

Vinnesholmen friluftsområde ligg ved Bjørnefjorden yst på Fusahalvøya. Langs fylkesvegen er det midtveges mellom ferjekaien på Venjaneset og Strandvik.

Tidlegare husmannsplass på holmen vert leigd ut til feriegjester på vekebasis av Stiftinga Vinnesholmen, Kontaktperson: Hege Anita Lie, telefon: 906 22 308.

Vinnesholmen har ei lun badefjøre mot Vinnessundet. Fine svaberg for fiske mot fjorden. Flott kulturlandskap for småturar på land med eiga kulturløype som ein også kan følgja på fastlandet.

Vinnesholmen er knytt til fastlandet med ein kjøyrbar molo. Parkering for friluftsområdet på landsida. Eige toalett for friluftsområdet i bakenden av det røde naustet. Ankringsplassar for båtar i Vinnessundet, og gjesteplassar ved lokale flytebrygger. Kommunal kai på fastlandssida av sundet.

Meir informasjon om Stiftinga Vinnesholmen finn du på Vinnes båtlag sine nettsider.